رواية قانون الحب الفصل الثاني 2 بقلم حبيبه ممدوح
#قانون_الحُب
#بارت_2
وادنى دبلتة
الدم غلى ف عروقى وقومت بسرعة كنت بدور علية ف كل مكان ف الكلية لحد ما لقيتة واقف مع البت ال شوفتو معاها اكتر من مرة وكنت بكدب نفسى واقول ف حكم زمايل
وقفت ف نص الجامعة وقولت
_الله الله عينى عينك كدا وسط خلق الله الضحك والمهيصة!
ينفع كداا يعنى
قربت منها وقولت
_هو انتِ متعرفيش يحلوة إن ال بيلف ويدور على حاجة مش بتاعتةة بتتسمى حركات رخيصة!
لاء ومع حد ارخص سبحان الله ماا جمع إلا اما وفق
بصلى بغل وقال
_انتِ اتجننتى ولااى ي مريم
ضحكت بسخرية وقولت
_بقااا انتَ ي بواقى تصدير انتَ تخون صحبتى لا كمان ومع مينن مع سوسن حناكة!
يبنىى انتَ متستهلش ليلى، ليلى بالنسبالك ألماسة والحاجات النضيفة الغالية مش بتيجى سكة مع الرخاص ال شبهك
طول عُمرى بقولها علاقتك بية لازم تتعرض ف نشونال چيوجرافيك تحت عنوان"أمرة تقع ف حُب قرد"
ليلى جت وقالت
_خلاص يمريم كفاية فضايح
_سبيتى يشيخة سنةة مكبوتة وسااكتةةة بقاا انتِ كنتِ مع داااا ايعقل!
بصلى وقال
_يستى خديها انتِ اشبعى بيها
قولت قبل ما تشدنى ليلى علشان نمشى
_الله يرحم يواد لماا كُنت بتلف حواليهاا ولا كأنك ف العُمرة
_دا انا هخرب بيتك
_خرب راسك واد عديم التربية وقليل الربااية
_يالة يمريم
مشينا وخرجنا من الكلية كلها وانا حاسة انها مش بخير..والغريب انها كانت ساكتة ومش بتتكلم
قعدنا على الكونيش والصمت عم المكان للحظات مفيش غير صوت البحر بيحاول يهدى الكلام ال فَ دماغى
قربت منها وحضنتها وقولت
_مشى؟
هو ميستاهلكيش هيجى ال يستاهلك فيوم وساعتها هو ال هيندم ي ليلى مش انتِ
عياطها زاد وقالت
_انا مقدمتلهوش غير كل خير لى بيعمل كدا معايا!
_ماهو علشان انتِ مقدمتلهوش غير خير وبس هو عمل كدا، ف صنف من الناس ي ليلى كُل ما تكرمية كُل ما يدوس عليكى اكتر ويفتكر انه كدا بيتحكم فيكى وملكك
وف الأخر لا نقول الا ما يرضى الله
_تفتكرى هتخطاة؟
سكت شوية وقولت
_كُلنا فترات فِ حياة بعض بنظهر فجاة ف عز ضعف او فقدان الشغف وبعدين بنختفى بنفتكر ان حياتنا هتقف على حد
كُل شخص بيدخل حياتنا ما هو إلا درس ولازم نتعلمة من الحياة..
بس ال بنتاكد منة وبيطمنا إن الحياة مبتقفش وبتفضل شغالة وماشية واحنا كمان بنمشى معاها وبنتخطى ال حصل لينا، مش هكدب واقول بننسى لأن مفيش درس بتعلمهولنا الحياة بننسااة بس هقول بنتخطى.
_طب وانتِ، هتبقى فترة زيهم؟
قولت وانا بحضنها
_انتِ الحياة ي ليلى، الحياة ال لا يمكن اتخطاها
دخلت البيت وحطيت الدبلة بتاعته وبتاعتى على التربيزة وقولت
_كلمو اهلو شوفو هيجو ياخدو الحاجة امتا
دخلت الأوضة من سُكات
_كل داا نايمة ي ليلى
_هقوم أعمل اى ي مريم
_بقالك شهر ناايمة يشيخة اتقى الله وقومىىى ورانا فايناال
_بس انا مش عاوزة اروح الكلية
_نعم!
انتِ بتقولى اىى
_ممش عااوزة اختلط بية ي مريم تانى
سكت وقولت
_هتفضلى كدا كتير !
_مريم انا كُنت بحبة بجد تخيلى ف يوم وليلة ال حاجة ال كانت شاغلة يومك وتفكيرك تتبخر ومتبقاش موجودة، دا بيخلينى اسأل الف سؤال واولهم انا وحشة للدرجادى علشان يعمل كدا؟
انا مش هقدر حتى اروح الجامعة تانى وابص ف وشوش الناس انا بجد مش عارفة اعدى الفترة دى
_وهو كاسر عينك ف اى؟
دا احنا ال مفرجين عليه الجامعة كلها ولا نسيتى
_اهو دى اكتر حاجة محتاجة انساها...
_لى هو انتِ شايفة انى غلطت؟
_اة..
_نعم؟؟؟؟
#يتبععع
دمتم ف سلام♥"
#ابنةة_ممدوح
